Kaun Bataega???

Yun kohra kyun hai?
kuch dikhai kyo nahi deta?
Manzile paas aakar dikhna band kyo ho jati hain?
Kisse puchu?
Kaun bataega?
Shayad koi nahi...

Kadam aage badhau bhi to kese?
Thahar thahar kar maazi dikhai deta hai..
Kisiki pukaar har waqt sunai deti hai..
Mud kar dekhu to kuch nazar nahi aata..
Kya hai yeh sab..?
Darr lagta hai..
Kisse puchu?
kaun bataega?
Shayad koi nahi....

Khushi ka nagma pal bhar ko jhilmilata hai..
Roshni ka mela sa lagta hai..
Naye rango ki khushbu hawao mein ghuli hoti hai..
Par yeh kya palak jhapakte hi sab gayab..?
Charo or safed madhham roshni hai..
Kuch dikh nahi raha..
Kya hai yeh sab..?
Darr lagta hai..
Kisse puchu?
Kaun bataega?
Shayad koi nahi...

Kuch pal itne kareeb hote hain...
Ke unke guzar jane ka ehsaas waham sa lagta hai...
Dil yeh maanne ko tayaar hi nahi hota ki..
Jo hua wo sach tha waham nhi...
Par phir bhi kahi shayad ek aas hai...
Jo sapne the , kabhi to sach honge...
Pata nahi kya hai yeh sab?
Darr lagta hai..
Kisse puchu?
Kaun bataega?
Shayad koi nahi...