Mohobbat kya hai..??

Do alfazo mein simti noor ki boond,
Har roz udati raato ki neend,
thandi os mein bahti chahat ki khushbu,
ya paak koi armaan ki justajoo...

Shayad ye wo jasbaa hai,
jisse har dil ek baar guzarta hai,
jaan pao to hai jannat yahi,
na jaan sako to ye kuch bhi nahi...

Shayad ek sawaal hai,
jo bhi hai kamaal hai,
kabhi rula deti hai,kabhi hasa deti hai,
har pal naya mazaa deti hai...

Shayad zehen mein uthati ek lahar hai,
ya unko choo kar aayi rangeen sahar hai,
dil ke kone mein chupi ek masoom aas hai,
jo kahti hai ki wo tere paas hai...