Sa iyong paglalakbay
Sa paghahanap ng mga kasagutan
Sa mga tanong ng buhay
Siya ay iyong matatagpuan
Makakasama mo siya sa paglipad
Sabay-sabay aabutin ang hinahangad
Kayo ay magtutulungan
Sa paghahanap ng mga kasagutan
Ngunit ang bawat paglipad ay may katapusan
Lahat ay mayroong hangganan
Masakit man tanggapin ang katotohanan
Darating ang araw na ang isa'y lilisan
Talagang tunay ang mararamdamang kasiyahan
Kapag tunay na kaibigan ay iyong matatagpuan
Mga alaala na nananatili sa puso
Kailan pa ma'y di na maglalaho
