Kuchh aise sapne hote hain, Jane kyo apne hote hain
Har ummeed me hote hain bune, Sannate me bhi hote hain sune
Waqt ki rah par chalte, Ladkhadate kabhi, kabhi sambhalte
Kuchh aise sapne hote hain, Jane kyo apne hote hain
Adaon me jhalakte hain, Nigahon me panapte hain
Jhatpatate hain wo ahoon me, Bewafai me saharte hain
Na aise din nikalte hain, Na aisi raat hoti hai
Hum bhoole ek pal inko, Na aisi baat hoti hai
aise sapne hote hain, Jaane kyo apne hote hain
Jo mil jayen to aina, Jo toote kaanch ka hissa
Jo dhadke dil ki hai dhadkan, Jo ruk jaye khatam kissa
Kuchh aise sapne hote hain, Jane kyo apne hote hain
