Na kuch kar sakti hu
Na kuch karna chahti hu
Shithilta ke bojh se dabkar chupchap marna chahti hu
Raah galat ya sahi thi chuni
Sab bhul kar bas chalte rehna chahti hu
Thak gayi hu tumhe boojhte boojhte
Kyo har prahaar seh kar main ab bhi tumhe sunna chahti hu
Har atyachar ko samjha hai maine
Har jhooth ko apnaya hai maine
Jaankar bhi anjaan bane rehna chahti hu main
Pran par ban aayi hai ab ye dillagi
Kyon phir bhi intezaar karna chahti hu main
Bas na kuch kar sakti hu
Aur na kuch karna chahti hu main.
