AAHAT....

Aapke aane ki aahat humne to mehsoos na ki,
dil ke darwaaze par dastakh humne to yu hi samjhi.

Aapko aaghosh me lene ko fiza bhi manchali ho uthi,
aapke deedar hone ki khushi me kaliyaan bhi yauvan se pehle khil uthi.

Aapse baatein karne ko bhavrein bhi gun-guna uthe,
aapko choone ki khwahish me dekho baadal bhi garaj uthe.

Aapke labon ko choone ko boondein bhi zamee par gir padi,
aapke anjuman me aane ko amaavasya bhi pooornima bani.

Aapke aane ki khabar sunkar humari dhadkane tej hui,
aapke aane ki mehak se humari saanse ruk gayee.

Aapke aane ki khabar to humare khuda ne bhi hume di,
par hum naadan the uska itna ishaara samjhe hi nahi.

Aapke deedar par bhi humko hua nahi yakeen,
ki khuli aankho se khwaab dekhna abhi khatm hua nahi.....