Kuch armaan, kuch umeed....

Zindagi ke mod par aapse milkar aisa laga,
shaayad jiski talaash thi wahi aaj bin maange mila.

pata na chala kab khwaab hakeekat ban gaye,
hum aapke sirf aap hi ke hokar reh gaye.

laga kuch aisa ki ab akele gam peene ki zaroorat nahi,
akele me ab khud se baatein karne ki zaroorat nahi.

kuch achche lamhe ab zindagi ne dikhlaye,
shaayad kahin kho gaye the jo aap pehle na aaye.

laga aisa tanhai se ab koi vaasta nahi
dhoondte the jis humrahi ko aap hain wahi.

jo khushiyaan pehle meri thi ab wo humari hogi,
jo zindagi meri thi ab wo tumhare naam hogi.

aapne shaayad hume samajhne ki koshish na ki,
ki haath thaamne se hi pehle hume thokar di.

hum poochte hain aapse.........
kya humne aapse aapki khushiyaan maangi thi???
balki apni kushiyaan aapke saath hi to baatni chahi thi.

aapse hi kuch armaan kuch umeedein lagar hum jiye
par aapko gawara na tha ki aap to unka mazaak banakar chal diye.....