Jiye jaa rahe hain....

Aaj tanhai me jiye jaa rahe hain,
khud hi se baatien kiye jaa rahe hain,
bayaan karne the kuch lavz aapse,
par labon ko khud hi siye ja rahe hain...

Ab mehfil se naata nahi raha humara,
door tak nahi raha koi humara,
akelepan me khud hi ghutte ja rahe hain,
bheed me kisi ko dhoondte ja rahe hain...

Ab aankhon me sapne nahi rahe humare,
kuch armaan bhi ab nahi rahe humare,
ashkon ko khud hi piye jaa rahe hain,
dard ko bhi khud hi me samate jaa rahe hain....

Gam ke saagar me doobte jaa rahe hain,
tumhare saath ko tarse jaa rahe hain,
aarzoo hai tumhare do palo ke saath ki,
usi ke sahaare to hum jiye jaa rahe hain...

***i wrote this just like that ...when i realized that life is so dull without \"him\", i wrote my feelings on a paper and just thought to share wid u all. thanx 4 reading this...***