From de palms of pavaty mi did bawn
Neva know no mada, worst fada
Not to mention breda an sista
Mi real identity deh sum weh inna de pass,
Like a dawg widout a bone, I poor.
Regula mi feel hunga a knack pan mi door,
Mi jus afi let im in, cause notin no deh yah fi eat,
Nobady nah gi weh notin an none a dem care
Tel mi how it feel fi know sey ni no hav no meal?
Dats why mi run gaan go tief,
Not even to de judge mi get fi appeal
Mi jus en up straight backa de bars weh mek a steel
Tough, rusty, cold steel.
Mi bed pan di road carna weh mek a cadboard a did paradise,
Behind dem prison walls, oh father God
Behind dem prison walls
De food it mek mi bawl
