Dulot Ng Ulan (Filipino Language--Song)

Nandyan na naman ang itim na ulap
unti-unting tinatakpan ang langit
ihanda mo na ang 'yong dibdib
lumaganap na ang lungkot sa buong paligid.

Sino pa kaya ang makakapigil diyan
kung ang luha nga minsa'y di mapigilan?
sino pa kaya ang dapat sisihin?
ba't 'di mo na lang itanong sa hangin?

Ulan, ulan
ba't ka, ba't ka ganyan?
dumadating, umaalis
ng walang paalam
ulan
tumawa ka na lang
hanggang sa tumigil ang ulan.

Habang palakas ang ulan
lumalakbay din ang iyong isipan
maya-maya'y 'di mo lang mamamalayan
nangangarap ka na pala sa malamig mong unan

O kailan pa kaya lilipas ang ulan?
at nang mapawi na ang kalumbayan
payo lang sa mga naaabutan diyan
maghanap na kayo ng masisilungan

Balak ko pa naman sanang mamasyal
kasama ang aking mahal
naririnig kaya ako ng maykapal
idadaan na lamang sa dasal.